O Concello de Monterroso prepara unha ampla programación para celebrar o Entroido deste ano 2026 con tres días de actividades.
O venres día 13 de febreiro, Concerto de música tradicional con Toño Núñez e Xosé Manuel do Castro. ‘Dimes e diretes e outros ferretes’, música popular ás 20:30 horas no Centro Sociocultural de Xuventude e Terceira Idade.
O domingo 15 de febreiro, Baile Infantil de Entroido no Espazo Cultural Lorenzo Varela.
O sábado 21 de febreiro, Concurso de Disfraces e Festa de Entroio organizada polo Concello de Monterroso (achéganse as BASES). E ruta dos bares da S.D. Monterroso.
O Goberno local repartirá premios en metálico para os mellores disfraces. Haberá un premio especial de 100 euros ao mellor Fulicheiro.